Britanski premijer Boris Johnson imenovao je danas Liz Truss za novu ministricu spoljnih poslova umjesto Dominica Raaba koji je smijenjen nakon što je otišao na odmor na Krit u vrijeme kada su talibani napredovali prema Kabulu prošlog mjeseca.
Truss će i dalje obavljati funkciju ministrice za žene i jednakost, saopšteno je iz Johnsonove kancelarije.
Johnson je u okviru rekonstrukcije Vlade prethodno smijenio i ministre obrazovanja, pravde i ministra za stambena pitanja, zajednice i lokalnu upravu.
Za sada nije poznato da li će oni dobiti druge portfelje u kabinetu ili će biti imenovane potpuno nove ličnosti.
Johnsonov portparol rekao je novinarima da je Vladi jasno da javnost želi da se rješavaju prioritetna pitanja i da premijer želi da osigura da na raspolaganju ima pravi tim za taj zadatak.
Raab je smijenjen sa položaja šefa diplomatije, ali je ostao na funkciji potpredsjednika Vlade.
(Agencije)
